Memarlıq və İnşaat Universitetində vebinar: İş yerlərində risklər və onların idarə olunması
Bakı, 19 may, AZƏRTAC
Azərbaycan Memarlıq və İnşaat Universitetinin (AzMİU) İnşaat-texnologiya fakültəsi və Fövqəladə hallar və həyat fəaliyyətinin təhlükəsizliyi kafedrasının təşkilatçılığı ilə “İş yerlərində risklər və onların idarə olunması” mövzusunda vebinar keçirilib.
AzMİU-dan AZƏRTAC-a bildirilib ki, vebinarda qonaq qismində SOCAR-ın Nəqliyyat idarəsinin əməyin mühafizəsi və texniki təhlükəsizlik üzrə böyük mühəndisi Cavid Qafarov və “Azərsu” ASC-nin Sukanal ETLİ-nin böyük elmi işçisi Məmməd Hüseynzadə mövzu üzrə çıxış edib, tələbələrin suallarını cavablandırıblar. Ümumilikdə 100-dən çox tələbə könüllü olaraq vebinarda iştirak edib.
Qeyd edək ki, hər iki qonaq AzMİU-nun 2007-ci il məzunudur.
Bölmənin digər xəbərləri
