MƏRKƏZİ SEÇKİ KOMİSSİYASINDA BEYNƏLXALQ MÜŞAHİDƏÇİLƏRİN QEYDİYYATI DAVAM EDİR
Mərkəzi Seçki Komissiyasından AZƏRTAC-a bildirmişlər ki, oktyabrın 15-də Azərbaycanda keçiriləcək prezident seçkilərini izləmək üçün beynəlxalq müşahidəçilərin qeydiyyatı davam edir.
Oktyabrın 3-dək qeydə alınmış müşahidəçilərin tərkibinə ATƏT-in Demokratik Təsisatlar və İnsan Hüquqları Bürosundan (DTİHB) 297 nəfər, Müstəqil Dövlətlər Birliyindən 256 nəfər, Müstəqil Dövlətlər Birliyi Parlament Assambleyasından 3 nəfər, Latviya Mərkəzi Seçki Komissiyasından 2 nəfər, Rusiya Mərkəzi Seçki Komissiyasından 3 nəfər, Ukrayna Mərkəzi Seçki Komissiyasından 4 nəfər, İsrailin ölkəmizdəki səfirliyindən 1 nəfər, Finlandiya səfirliyindən 1 nəfər, Beynəlxalq Respublikaçılar İnstitutundan (İRİ) 2 nəfər, Milli Demokratiya İnstitutundan (NDİ) 5 nəfər daxildir.
Bölmənin digər xəbərləri
