“Mersedes” Bottas ilə yeni müqavilə imzalayıb
Bakı, 20 iyul, AZƏRTAC
“Mersedes” komandası öz pilotu Valtteri Bottas ilə yeni müqavilə imzalandığını bəyan edib.
AZƏRTAC “Mersedes”in rəsmi saytına istinadla xəbər verir ki, birillik yeni sənədə 2020-ci il mövsümü üçün də əməkdaşlığın uzadılması şərti əlavə olunub.
Valtteri Bottas “Mersedes” komandasının heyətində 2017-ci ildən çıxış edir. Ötən mövsümdə pilot 305 xal toplayaraq ümumi hesabda üçüncü yeri tutub. Bu çempionatda isə Bottas 10 mərhələdən sonra yalnız beşinci yerdə qərarlaşa bilib. Finlandiyalı pilotun hesabında 104 xal var.
İyulun 19-da “Mersedes” hazırkı dünya çempionu Luis Hemiltonla 2020-ci ilədək yeni kontrakt imzalandığını açıqlayıb.
Bölmənin digər xəbərləri
