“Məşğulluğa dəstək layihəsi” çərçivəsində Oğuz rayonunda ictimai dinləmə keçiriləcək
Bakı, 12 may, AZƏRTAC
Əmək və Əhalinin Sosial Müdafiəsi Nazirliyi tərəfindən Dünya Bankının maliyyə dəstəyi ilə icra olunan “Məşğulluğa dəstək layihəsi" çərçivəsində növbəti ictimai dinləmə mayın 17-də saat 13:00-da Oğuz rayonunda keçiriləcək.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, Oğuz şəhərindəki Emin Abdullayev adına 2 saylı tam orta məktəbdə təşkil olunacaq tədbirdə iştirakçılara layihənin hədəf və məqsədləri, əhatə dairəsi, icrası zamanı ətraf mühit və sosial məsələlərə dair tələblər barədə məlumat veriləcək.
Proqrama müraciət və proqramda iştirak qaydalarına dair ətraflı məlumat veriləcək, iştirakçıların sualları cavablandırılacaq.
Bölmənin digər xəbərləri
