“Milan” və “Çelsi” transfer dəyişikliyi edə bilər
Bakı, 13 iyun, AZƏRTAC
İtaliyanın “Milan” və İngiltərənin “Çelsi” klubları öz aralarında transfer dəyişikliyi edə bilər.
AZƏRTAC klubun rəsmi saytına istinadla xəbər verir ki, ilk təklifi “Milan” klubu edib. “Rossoneri”lər “Çelsi”nın hücumçusu Alvaro Moratanı öz sıralarına qatmaq niyyətindədir. “Aristokratlar” bu təklifi məqsədyönlü hesab edir və “Milan”ın qapıçısı Canluici Donnarummanı heyətə cəlb etməkdə maraqlıdırlar. Çünki klubun qapıçısı Tibo Kurtua bu yay başqa kluba keçmək niyyətindədir.
Daha əvvəl Morata İtaliyada “Yuventus”un formasını geyinib. On doqquz yaşlı Donnarumma isə keçən mövsüm “Milan”ın heyətində 53 oyunda çıxıb və 55 qol buraxıb.
Bölmənin digər xəbərləri
