Milli Azərbaycan Tarixi Muzeyində rəsm müsabiqə-sərgisi: Könlüm keçir Qarabağdan
Bakı, 17 noyabr, AZƏRTAC
Noyabrın 18-19-da AMEA-nın Milli Azərbaycan Tarixi Muzeyində “Könlüm keçir Qarabağdan” I respublika rəsm sərgi-müsabiqəsi keçiriləcək.
Muzeydən AZƏRTAC-a bildirilib ki, sərgidə 8-17 yaş arası iştirakçıların 44 günlük Vətən müharibəsini əks etdirən 80-ə yaxın rəsm əsəri nümayiş olunacaq. Üç nominasiyada qaliblər müəyyənləşəcək.
Qeyd edək ki, sərgi-müsabiqəsinin məqsədi gənc nəsildə vətənə, torpağa məhəbbət hissinin artırılması, hərbi-vətənpərvərlik ruhunun təbliği, uşaq və gənclərin yaradıcılıq qabiliyyətlərinin inkişaf etdirilməsidir. Eyni zamanda, Vətən müharibəsində şəhid olan qəhrəmanlarımızın əziz xatirəsinin ehtiramla yad olunmasıdır.
Bölmənin digər xəbərləri
