Milli Depozit Mərkəzi Pakistanın Mərkəzi Depozitar Şirkəti ilə memorandum imzalayıb
Bakı, 15 iyul, AZƏRTAC
İyulun 15-də Azərbaycan Respublikasının Milli Depozit Mərkəzi (MDM) ilə Pakistanın Mərkəzi Depozitar Şirkəti (CDCPL) arasında anlaşma memorandumu imzalanıb.
MDM-dən AZƏRTAC-a bildirilib ki, memorandumun məqsədi mərkəzi depozitar fəaliyyəti və kapital bazarları sahəsində qarşılıqlı əməkdaşlığın gücləndirilməsi, bilik, təcrübə və qabaqcıl təcrübələrin paylaşılmasıdır.
Sənəd çərçivəsində xidmətlər, korporativ idarəetmə, risklər, investor xidmətləri, biznes əməliyyat modelləri, texnoloji həllər, eləcə də depozitarların funksiyaları və daxili iş təcrübələri üzrə məlumat mübadiləsi nəzərdə tutulur.
Bölmənin digər xəbərləri
