Milli Kitabxanada “Xalq yazıçısı Elçin” adlı elektron məlumat bazası istifadəçilərə təqdim edilib
Bakı, 13 may, AZƏRTAC
Bu gün Xalq yazıçısı, professor, ədəbiyyatşünas-alim, dramaturq, ssenarist, görkəmli ictimai-siyasi xadim Elçin İlyas oğlu Əfəndiyevin anadan olmasının 80 illiyi tamam olur. Yubiley münasibətilə Milli Kitabxananın əməkdaşları tərəfindən “Xalq yazıçısı Elçin” adlı elektron məlumat bazası hazırlanaraq onlayn şəkildə istifadəçilərə təqdim edilib.
Kitabxanadan AZƏRTAC-a bildirilib ki, elektron məlumat bazası “Ana səhifə”, “Rəsmi sənədlər”, “Ədəbiyyat yaradıcısı, metodoloqu və təəssübkeşi”, “Həyat və yaradıcılığının əsas tarixləri”, Görkəmli şəxslər Elçin haqqında”, “Elçinin kitab haqqında fikirləri”, “Elçinin “Ədəbidüşüncələr”indən”, “Mükafatları”, “Əsərləri”, “Haqqında”, “Fotoqalereya” və “Videoqalereya” bölmələrindən ibarətdir. Bazada yerləşdirilən materiallar tam mətnləri ilə təqdim olunur.
Elektron məlumat bazası ilə buradan tanış olmaq olar.
Qeyd edək ki, Elçin ötən əsrin 60-cı illərində ədəbiyyatımıza gəlmiş və tez bir zamanda əsərlərinin poetik gücü ilə geniş oxucu kütləsinin hörmətini qazanmış yazıçılarımızdandır. O, Azərbaycan nəsrinin “ədəbi təəccüb” hissindən daha çox xalqımızın milli tarixi təəccübünü qoruyub saxlayan nümayəndələrdəndir.
Bölmənin digər xəbərləri
