MİLLİ MƏCLİSDƏ GÖRÜŞ
AZƏRTAC-ın müxbiri xəbər verir ki, Azərbaycanın müstəqillik qazandıqdan sonra Avropaya inteqrasiya etdiyini bildirən Səməd Seyidov demişdir ki, Ermənistan-Azərbaycan, Dağlıq Qarabağ münaqişəsi ölkəmizin normal inkişafına ciddi maneçilik törədir. İnkişaf etmiş ölkələr və beynəlxalq təşkilatlarla, eləcə də ATƏT və onun digər qurumları ilə əməkdaşlıq Avropaya inteqrasiya, həm də münaqişənin həlli baxımından Azərbaycan üçün çox əhəmiyyətlidir. Azərbaycanın parlament nümayəndə heyəti Avropa Şurasında münaqişə ilə bağlı bir sıra həqiqətləri dünya ictimaiyyətinin diqqətinə çatdıra bilmişdir. Ümid edirik ki, ATƏT-lə əməkdaşlığımız nəticəsində ciddi nailiyyətlər əldə edə biləcəyik.
Azərbaycan Milli Məclisinin nümayəndə heyətinin ATƏT-in Parlament Assambleyasındakı fəaliyyətindən razılığını bildirən Qoran Lenmarker demişdir ki, hazırda 55 ölkənin üzv olduğu qurumda Azərbaycanın səsi yetərincə eşidilir.
Azərbaycanın Avropaya inteqrasiyasını yüksək qiymətləndirən cənab Lenmarker bunun Dağlıq Qarabağ münaqişəsinin həllinə də müsbət təsir edəcəyinə ümidvar olduğunu vurğulamışdır. Qonaq problemin beynəlxalq hüquq normaları çərçivəsində həllinə tərəfdar olduğunu bildirmişdir.
Bölmənin digər xəbərləri
