Misirdə son sutkada koronavirusdan 15 nəfər həyatını itirib
Qahirə, 15 may, AZƏRTAC
Misirdə son sutka ərzində COVID-19 virusuna 398 yoluxma halı qeydə alınıb.
AZƏRTAC xəbər verir ki, Misirin Səhiyyə Nazirliyinin məlumatında ölkədə koronavirusa yoluxanların ümumi sayının 10 min 829 nəfərə çatdığı qeyd olunur.
Məlumatda mayın 14-də COVID-19 virusundan 15 nəfərin öldüyü, həyatını itirənlərin ümumi sayının 571 nəfərə çatdığı bildirilib. Əlavə edilib ki, son sutka ərzində xəstəlikdən 140 nəfər sağalıb, ümumilikdə isə ölkədə fəaliyyət göstərən 17 karantin xəstəxanasında 2626 pasiyent tam müalicə olunub.
Misir Prezidenti Əbdülfəttah əs-Sisi Cənubi Afrikanın dövlət başçısı, Afrika İttifaqının sədri Siril Ramafoza ilə bu qitədə koronavirus pandemiyası ilə bağlı vəziyyəti müzakirə edib. Tərəflər epidemiyanın qarşısını almaq istiqamətində tədbirlərlə yanaşı, terrorizmə qarşı mübarizə məsələsini də müzakirə ediblər.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
