Moldova Ombudsmanı: Xocalı faciəsinin günahkarları cinayət məsuliyyətinə cəlb olunmalıdırlar
Bakı, 23 fevral (AZƏRTAC). Ermənistan silahlı birləşmələri tərəfindən Azərbaycan xalqına qarşı törədilmiş dəhşətli Xocalı soyqırımının 22-ci ildönümü yaxınlaşır. Mən Azərbaycan xalqının bu kədərini bölüşürəm və hesab edirəm ki, beynəlxalq ictimaiyyət Xocalı faciəsinə siyasi-hüquqi qiymət verməlidir.
AZƏRTAC xəbər verir ki, bu sözləri jurnalistlərə müsahibəsində Moldovanın ombudsmanı Aurelia Qriqoriu demişdir.
Moldovanın ombudsmanı Xocalı soyqırımının dünyada tanınması istiqamətində Azərbaycanın səylərini dəstəklədiyini bildirmişdir. O demişdir: “Bu gün nəinki dünya ictimaiyyətinin diqqətini bu faciəyə yönəltmək, həmçinin günahkarları cinayət məsuliyyətinə cəlb etmək və cəzalandırmaq üçün hadisələrə beynəlxalq səviyyədə dəqiq hüquqi-siyasi qiymət verməyin vaxtı gəlib çatmışdır. Məsələyə yalnız mənəvi qiymətin verilməsi ilə kifayətlənmək olmaz. Beynəlxalq hüquq normaları vardır ki, insanların qətlə yetirilməsinə, bir xalqa qarşı belə dəhşətli və dözülməz faciənin törədilməsinə görə məsuliyyət daşıyanlar cəzalandırılmalıdırlar”.
Bölmənin digər xəbərləri
