Moldova Respublikasının Prezidenti Zati-aliləri cənab Nikolaye Timoftiyə
Hörmətli cənab Prezident,
Moldova Respublikasının milli bayramı - Müstəqillik günü münasibətilə Sizə və Sizin simanızda bütün xalqınıza ən səmimi təbriklərimizi yetirirəm.
Azərbaycan ilə Moldova arasındakı dostluq və əməkdaşlıq münasibətləri zəngin ənənələrə malikdir. Əminəm ki, xalqlarımızın iradəsinə uyğun olaraq bu ənənələrin qorunub saxlanması, dövlətlərarası münasibətlərimizin daim inkişaf etdirilməsi yolunda addımlarımızı davam etdirəcəyik.
Bu əlamətdar gündə Sizə, hörmətli cənab Prezident, möhkəm cansağlığı, işlərinizdə uğurlar, dost Moldova xalqına sülh və tərəqqi arzulayıram.
Hörmətlə,
İlham Əliyev
Azərbaycan Respublikasının Prezidenti
Bakı, 1 avqust 2012-ci il.
Bölmənin digər xəbərləri
