MOSKVA ƏTRAFINDA ÜÇÜNCÜ MƏSCİD AÇILMIŞDIR
Açılış mərasimində Rusiya Müftilər Şurasının, Rusiyanın Asiya hissəsi müsəlmanları dini idarəsini, Zveniqorod və Odintsovo rayonu administrasiyasının nümayəndələri, Moskva vilayətindəki tatar icmalarının liderləri iştirak etmişlər. Qonaqlar məscidin açılışı münasibətilə dindarları təbrik etmiş, bunu təkcə Moskva regionu üçün deyil, ümumiyyətlə Rusiya üçün əlamətdar hadisə adlandırmışlar.
Bu, Moskva vilayətində tikilmiş üçüncü məsciddir. Digər iki məscid Orexovo-Zuyevoda və Şyolkovoda yerləşir. Müsəlman məbədinin tikintisinə Rusiyanın, Avropa və Asiya hissələri müsəlmanlarının dini idarələri, müsəlman biznesmenlər və sahibkarlar kömək etmişlər. Məsciddə ərəb dilinin və İslamın əsaslarının da tədris ediləcəyi planlaşdırılır. Burada tezliklə mədrəsənin də tikintisinə başlanacaqdır.
Bölmənin digər xəbərləri
