MOSKVADA AZƏRBAYCANLI AİLƏSİNDƏ ALTI UŞAQ DOĞULMUŞDUR
Əkizlərin anası Mehriban Tağıyeva hazırda 36 nömrəli xəstəxananın reanimasiya şöbəsindədir və özünü yaxşı hiss edir. Həkimlər deyirlər ki, körpələr normal və sağlam doğulmuşlar.
Əslən Yardımlı rayonundan olan Tağıyevlər ailəsi Rusiya Federasiyasının vətəndaşlarıdırlar. Ailə başçısı Mərdan Tağıyev Moskvada sahibkarlıqla məşğuldur və ailəsi ilə kommunal mənzildə yaşayır.
Ümumrusiya Azərbaycan Konqresi Moskva şöbəsinin başçısı İlqar Hacıyev AZƏRTAC-ın müxbirinə bildirmişdir ki, Konqres körpələri öz himayəsinə götürərək, Tağıyevlər ailəsinin həyatında fəal surətdə iştirak etmək niyyətindədir.
