Moskvada koronavirusla əlaqədar yeni məhdudiyyətlər tətbiq edilib
Moskva, 12 iyun, AZƏRTAC
Moskvada COVID-19 pandemiyası ilə əlaqədar yeni məhdudiyyətlər tətbiq edilib.
AZƏRTAC xəbər verir ki, Rusiya paytaxtının meri Sergey Sobyanin qeyri-iş günlərinin iyunun 19-dək uzadılması barədə qərar qəbul edib.
Bundan əlavə, iyunun 13-dən idarə və müəssisələrə əməkdaşların 30 faizinin, eləcə də yaşı 65-dən yuxarı olan və ya xroniki xəstəliklərdən əziyyət çəkən işçilərin distant rejimə keçirilməsi, əməkdaşların peyvənd vurmağa stimullaşdırılması tədbirlərini gücləndirilməsi tövsiyə olunub.
İyunun 13-dən 20-dək saat 23:00-dan 06:00-dək iaşə müəssisələrində yerində xidmət göstərilməsi, məişət xidmətlərinin icrası, gecə klublarında, barlarda əyləncəli tədbirlərin təşkili dayandırılır.
Zooparklar, ticarət mərkəzlərində restoran və kafelər, uşaq meydançaları, parklarda attraksionlar bağlanır.
Qeyd edək ki, iyunun 11-də Moskvada 6701 nəfərdə koronavirus infeksiyası aşkar edilib. Bu, ötən il dekabrın 26-dan sonra maksimum göstəricidir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
