“MotoGP” yeni növ cərimə tətbiq edə bilər
Bakı, 25 fevral, AZƏRTAC
“MotoGP” cəzalar siyahısına yeni cərimə növü əlavə etməyə hazırlaşır.
AZƏRTAC “Autosport”a istinadla xəbər verir ki, qaydanı pozmuş yürüşçü motosikletini trasın əsas hissəsinin hüdudlarından kənarda yerləşən və xüsusi nişan qoyulmuş sahədən sürməli olacaq. Bu ideya ilk dəfə Qətər testlərində sınaqdan keçirilib. Motoyürüşçü Valentino Rossinin sözlərinə görə, bu yolla cəzalandırılan yürüşçülər üç saniyədən çox vaxt itirirlər.
Yürüşçülərin ilkin rəyləri müsbətdir. Odur ki, yeni sistem, çox güman, Qətərdə mövsümün açılışı ərəfəsində rəsmi olaraq “MotoGP” qaydalarına daxil ediləcək. Bu sistem yürüşçüləri bir mövqe geri atan mövcud praktikanı əvəzləmək üçün işlənib hazırlanıb. Qayda “MotoGP” mərhələlərinin çoxunda tətbiq ediləcək. Lakin elə traslar var ki, orada xüsusi cəza zonasının yaradılması üçün yer yoxdur.
Bölmənin digər xəbərləri
