“MOZALAN”IN BÖYÜK PLANLARI
AZƏRTAC xəbər verir ki, Orxan Fikrətoğlu ötən il “Mozalan” studiyasının rəhbəri təyin olunandan sonra kollektiv qarşısına bu satirik kinojurnalın əvvəlki nüfuzunu özünə qaytarmaq kimi vəzifə qoymuşdur. Bununla əlaqədar, gənc rejissorların müsabiqəsi elan olunmuşdur. “Mozalan” studiyası bu il İspaniyanın “Aktualidad” jurnalının təsis etdiyi “Keyfiyyət və nüfuz lideri” beynəlxalq mükafatına layiq görülmüşdür.
O.Fikrətoğlu deyir ki, əvvəlki nüfuzu qaytarmaq bu nüfuzu qazanmaqdan daha çətindir. Ona sıfırdan başlamalı oluruq. İndi “Mozalan” yeni kadrlar yetişdirməlidir. Aydındır ki, bu vaxt tələb edən prosesdir, lakin nəticə həmişə müsbət olur.
Perspektivə gəldikdə isə, studiyanın rəhbəri gələcəkdə gənc rejissorlar və ssenariçilər üçün əcnəbi mütəxəssislərin iştirakı ilə xüsusi məşğələlər keçirməyi nəzərdə tutur. Çoxşaxəlilik yaradıcı kollektivin işini zənginləşdirir, odur ki, “Mozalan” növbəti mərhələdə xarici filmləri Azərbaycan dilinə dublyaj etməyi planlaşdırır.
Bölmənin digər xəbərləri
