Muxtar Babayev beynəlxalq forumda Oxçuçayın Ermənistan tərəfindən kəskin çirklənməyə məruz qaldığını bildirib
Bakı, 25 aprel, AZƏRTAC
Yaponiyanın Kumamoto şəhərində su resurslarının idarəçiliyinin təkmilləşdirilməsinə həsr olunmuş 4-cü Asiya-Sakit Okean Su Forumu hibrid formatda keçirilib.
Nazirlikdən AZƏRTAC-a bildirilib ki, forumda bir sıra ölkələrin dövlət başçıları, hökumət nümayəndələri, aparıcı beynəlxalq təşkilatların təmsilçiləri iştirak ediblər.
Azərbaycanı təmsil edən ekologiya və təbii sərvətlər naziri Muxtar Babayev foruma onlayn formatda qoşularaq transsərhəd çayların idarə olunması ilə bağlı qonşu ölkələrlə, həmçinin beynəlxalq təşkilatlarla əməkdaşlığın vacibliyini vurğulayıb.
Eyni zamanda, Ermənistanın dağ-mədən sənayesinin fəaliyyəti nəticəsində Oxçuçayın kəskin çirklənməyə məruz qaldığını bildirib və bunun qarşısının alınmasında dəstək göstərilməsi məqsədilə beynəlxalq təşkilatlara və forum iştirakçılarına çağırış edib.
Bölmənin digər xəbərləri
