NARDARANDA YENİ MƏKTƏB BİNASI İSTİFADƏYƏ VERİLMİŞDİR
Bu münasibətlə keçirilən mərasimdə Bakı Şəhər İcra Hakimiyyətinin başçısı Hacıbala Abutalıbov, təhsil nazirinin müavini İradə Hüseynova, ictimaiyyətin nümayəndələri çıxış etmişlər.
Şəhərin meri Hacıbala Abutalıbov bildirmişdir ki, ümummilli liderimiz Heydər Əliyev Bakı kəndlərinin sosial-iqtisadi inkişafına xüsusi diqqət və qaygı ilə yanaşardı. Bu məktəbin təməli də, dahi rəhbərimizin tövsiyə və tapşırığına əsasən qoyulmuşdur. Məktəb binası vaxtında istifadəyə verilmişdir.
Qəsəbə sakini Hacı Kamal Həsənov belə müasir məktəb binasının tikilməsini dövlətimizin nardaranlılara olan diqqət və qayğısının təzahürü kimi qiymətləndirmişdir.
Kimya-biologiya-riyaziyyat-informatika təmayüllü məktəbdə 1296 şagird yeri, açıq və örtülü idman salonları və geniş iclas zalı vardır.
Müasir avadanlıqla təchiz olunan təhsil müəssisəsində ilk dərs günü 551 şagird parta arxasında əyləşmişdir.
Bölmənin digər xəbərləri
