NARKOTİKLƏRİN DÖVRİYYƏSİ İLƏ BAĞLI QANUN LAYİHƏSİ MİLLİ MƏCLİSİN MÜZAKİRƏSİNƏ ÇIXARILMIŞDIR

29.09.2004 [20:53]
Çap et
A⁺ A^-

AZƏRTAC xəbər verir ki, Milli Məclisin Hüquq siyasəti və dövlət quruculuğu daimi komissiyasının sentyabrın 29-da keçirilən iclasında “Narkotik vasitələrin, psixotrop maddələrin və prekursorların dövriyyəsi haqqında” qanun layihəsi müzakirə olunmuşdur.

Komissiyanın sədri Əli Hüseynov demişdir ki, bu qanun narkotik vasitələrin, psixotrop maddələrin və prekursorların dövriyyəsi ilə əlaqədar yaranan ictimai münasibətləri tənzimləyəcəkdir. Layihədə əsas anlayışlarla yanaşı, qanunun tətbiqi zamanı qanunçuluğun təminatı, narkotiklərin dövriyyəsi sahəsində dövlət orqanlarının vəzifələri, narkotiklərdən istifadə qaydaları və digər müddəalar öz əksini tapmışdır.

Qanunun konseptual baxımdan vacibliyi vurğulanmış və layihənin parlamentin müzakirəsinə çıxarılması qərara alınmışdır.