Natiq Hüseynov: Baş Prokurorluğun əməkdaşlarının 93,2 faizi imtahanla qəbul olanlardır
Bakı, 18 sentyabr, AZƏRTAC
Prokurorluq orqanlarında işə qəbulla bağlı qanunauyğun şərtlər mövcuddur. Ali hüquqşünas təhsilli şəxslər prokurorluğa qəbul üçün test imtahanından keçirlər. Hazırda Baş Prokurorluğun əməkdaşlarının 93,2 faizi imtahanla qəbul olanlardır, 10 faiz isə qadın əməkdaşlardır. Bu, Baş Prokurorluğun apardığı uğurlu kadr siyasətinin nəticəsidir.
AZƏRTAC xəbər verir ki, bu barədə Baş Prokurorluğun Kadrlar idarəsinin rəisi Natiq Hüseynov bildirib.
O, Baş Prokurorluğun rəsmi instaqram səhifəsindəki canlı yayım zamanı deyib ki, prokurorluq orqanlarında işləmək üçün keçiriləcək imtahanla bağlı sənədlərin qəbulu sentyabrın 30-dək davam edəcək. “Prokurorluq orqanlarında könüllülüklə bağlı müddət isə bir il nəzərdə tutulur. Könüllünün iş vaxtını təhkim olunduğu prokurorluq uzada bilər. Bu isə könüllünün uğurlu fəaliyyətindən asılıdır. Ancaq artırılan müddət könüllünün bakalavr təhsilinin yekunlaşdırılması ilə başa çatır”, - deyə o diqqətə çatdırıb.
Bölmənin digər xəbərləri
