NAXÇIVAN MR GÖMRÜK KOMİTƏSİNİN KOLLEGİYA İCLASI OLMUŞDUR
AZƏRTAC-ın müxbiri xəbər verir ki, Naxçıvan Muxtar Respublikası (MR) Gömrük Komitəsində keçirilən kollegiya iclasında komitənin sədri, gömrük xidməti general-mayoru Asəf Məmmədovun məruzəsi dinlənilmişdir. Bildirilmişdir ki, hesabat ilində proqnozlaşdırılmış 12 milyard manat əvəzinə, 20 milyard 406 milyon manat vəsait toplanaraq büdcəyə daxil edilmişdir. Ötən il 16 xarici dövlətlə ticarət əlaqəsi saxlayan Naxçıvan MR-də idxal-ixrac əməliyyatları 54 milyon 477 min 452 ABŞ dolları məbləğində olmuşdur. Bu isə 2004-cü illə müqayisədə 26,5 faiz çoxdur. Sədərək Gömrük İdarəsi üçün yeni binalar tikilmiş, müasir avadanlıq, maşın və texniki nəzarət vasitələri ilə təmin olunmuş, keçid məntəqəsi istifadəyə verilmişdir. Culfa gömrükxanasında isə bu işlər başa çatdırılmaqdadır.
Bölmənin digər xəbərləri
