Naxçıvanda elektrik transformatoru partlayıb, bir nəfər xəsarət alıb

21.07.2026 [15:57]
Çap et
A⁺ A^-

Naxçıvan, 21 iyul, AZƏRTAC

Naxçıvan şəhərində elektrik transformatorunda partlayış baş verib.

AZƏRTAC-ın bölgə müxbiri xəbər verir ki, hadisə şəhərin Xətai məhəlləsində baş verib.

Belə ki, qəza xidməti zamanı transformatorda elektrik naqillərində qısaqapanma baş verib və anidən partlama meydana gəlib. Nəticədə "Azərişıq" ASC Naxçıvan Regional Enerji Təchizatı və Satışı İdarəsinin elektriki Məmmədov Tofiq Namaz oğlu xəsarət alıb. Onun hər iki əli, qarın və üz nahiyəsi yanıb.

Hazırda faktla bağlı Naxçıvan Şəhər Prokurorluğunda araşdırma aparılır.

_{Müxbir - Nail Əsgərov}