Nazir: Azərbaycanda ərzaq məhsullarına olan tələbatın 80 faizi yerli istehsal hesabına ödənilir
Bakı, 7 may, AZƏRTAC
Azərbaycanda ərzaq məhsullarına olan tələbatın 80 faizi yerli istehsal hesabına ödənilir. 2025-ci ildə ölkədə 7,6 milyard manatlıq kənd təsərrüfatı məhsulu istehsal edilib.
AZƏRTAC xəbər verir ki bu sözləri kənd təsərrüfatı naziri Məcnun Məmmədov Bakı Dövlət Universitetində “Risklərə qarşı aqrar sığorta çətiri” mövzusunda keçirilən forumun açılışı mərasimində çıxışı zamanı deyib.
O bildirib ki, son 30 ildə təbii fəlakətlər xeyli artıb ki, bu da əsasən kənd təsərrüfatına zərər vurur və məhsuldarlıq azalır.
“Buna görə də aqrar sığorta çox vacib məsələdir. Aqrar sığorta, eyni zamanda, investisiya mühiti yaradır və kənd təsərrüfatına sərmayə yatırımı üçün böyük stimul verir. Azərbaycan Prezidentinin apardığı islahatlar kənd təsərrüfatını da əhatə edib. İslahatlar özünü kənd təsərrüfatı məhsullarının istehsalındakı kəmiyyət və keyfiyyətində özünü göstərir. Aqrar sığorta həm də kənd təsərrüfatının inkişafına dəstək mexanizmidir. Bu mexanizm kənd təsərrüfatında dayanıqlılığı və inkişafı təmin edir”, - deyə Məcnun Məmmədov qeyd edib.
Bölmənin digər xəbərləri
