NƏRİMANOV RAYONU VETERANLAR ŞURASININ KONFRANSI KEÇİRİLMİŞDİR
AZƏRTAC xəbər verir ki, konfrans işinə başlamazdan əvvəl iştirakçılar ümummilli lider, müstəqil Azərbaycan dövlətinin yaradıcısı Heydər Əliyevin xatirəsini bir dəqiqəlik sükutla yad etmişlər.
Tədbirdə təşkilatın son iki ildə gördüyü işlər barədə hesabat verilmişdir. Cıxış edənlər ümummilli liderimiz Heydər Əliyevin ölkəmiz və xalqımız qarşısındakı misilsiz xidmətlərindən, dahi şəxsiyyətin siyasi xəttinin layiqli davamçısı, ölkə Prezidenti İlham Əliyevin əhalinin, o cümlədən ahılların rifah halının yaxşılaşdırılması yolunda gördüyü işlərdən danışmışlar. Rayon icra hakimiyyətinin veteranların problemlərinə qayğı ilə yanaşdığı və şuranın maliyyə fonduna xeyli vəsait köçürdüyü qeyd edilmişdir.
Konfransda çıxış edən rayon icra hakimiyyətinin başçısı İlqar Abbasov
Azərbaycan xalqının böyük oğlu Heydər Əliyevin 1993-cü ildə hakimiyyətə qayıdışından sonra veteranlara, xüsusən də Böyük Vətən müharibəsi veteranlarına dövlət qayğısının artırıldığını, onların problemlərinə diqqətlə yanaşıldığını vurğulamışdır. O, 1941-1945–ci illər müharibəsindəki qələbənin 60 illiyinə həsr olunmuş xüsusi tədbirlər planının hazırlandığını xatırlatmışdır.
Konfransda təşkilati məsələlərə də baxılmışdır. Müharibə veteranı, istefada olan polkovnik Alı Hüseynov şuranın sədri seçilmişdir.
Konfrans nümayəndələri Azərbaycan Prezidenti İlham Əliyevə
müraciət qəbul etmişlər.
Bölmənin digər xəbərləri
