Nikolay Patruşev: Azərbaycanın böyük iqtisadi və maliyyə potensialı var
Moskva, 4 noyabr, AZƏRTAC
Azərbaycan ilə Ermənistan arasında sülh sazişinin imzalanmasına hazırlıq gedir.
AZƏRTAC xəbər verir ki, bu barədə Rusiya Federasiyası Təhlükəsizlik Şurasının katibi Nikolay Patruşev “Rusiya” sərgi-forumu çərçivəsində “”Znanie” cəmiyyətinin marafonunda çıxış edərkən bildirib.
N.Patruşev deyib: “Qarabağ problemi ilə bağlı Ermənistan-Azərbaycan münasibətlərinin nizamlanması üzrə ardıcıl səylər göstərilib. Bu dövlətlər arasında sülh sazişinin imzalanmasına hazırlıq gedir”.
RF Təhlükəsizlik Şurasının katibi qeyd edib ki, Azərbaycan hazırkı şəraitdə böyük iqtisadi potensiala malikdir. O deyib: “Gəlin iqtisadi potensialı müqayisə edək: Azərbaycanın əhalisi 10 milyon nəfərdir, Ermənistan, özlərinin dediyinə görə, 3 milyondur. Amma biz dəqiq bilirik ki, bu belə deyil, maksimum 2 milyon nəfərdir. İqtisadi, maliyyə göstəriciləri üzrə də Azərbaycan böyük üstünlüyə malikdir”.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
