Nikolay Qolovatıy: Heydər Əliyev Azərbaycanın inkişaf strategiyasını müəyyənləşdirmiş böyük şəxsiyyətdir
Kiyev, 9 may, AZƏRTAC
Bu gün Azərbaycan dünyada sayılıb-seçilən ölkədir və bu da Heydər Əliyevin sayəsində mümkün olub.
Bu fikri AZƏRTAC-a açıqlamasında Ukrayna Regionlararası İşçiləri İdarəetmə Akademiyasının kafedra müdiri, siyasi elmlər doktoru Nikolay Qolovatıy deyib.
O bildirib ki, Heydər Əliyev SSRİ-nin başçısı olmağa ən layiqli namizəd idi. Sadəcə onun müsəlman ölkəsinin təmsilçisi olması SSRİ-nin rəhbəri olmasına əngəl yaradırdı. Heydər Əliyev müasir Azərbaycanın inkişaf strategiyasını müəyyənləşdirmiş böyük şəxsiyyət və liderdir. Müasir dünya diplomatiyası Heydər Əliyevin müdrikliyini, uzaqgörənliyini araşdırmalı və öyrənməlidir.
N.Qolovatıy bildirib ki, Azərbaycan beynəlxalq aləmdə ildən-ilə daha böyük nüfuz qazanır, regionun lider dövlətinə çevrilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
