Növbəti TOEFL iBT imtahanı təşkil ediləcək
Bakı, 20 iyul, AZƏRTAC
İyulun 22-də Dövlət İmtahan Mərkəzinin (DİM) elektron imtahanlar korpusunda TOEFL iBT imtahanı təşkil olunacaq.
DİM-dən AZƏRTAC-a bildirilib ki, imtahan Bakı şəhəri, Binəqədi rayonu, S.S.Axundov küçəsi 50 ünvanında yerləşən elektron imtahanlar korpusunda keçiriləcək.
İştirakçılar imtahanın başlanmasına ən geci bir saat qalmış şəkilli şəxsiyyət vəsiqəsi və ya ümumvətəndaş pasportu ilə imtahan binasının qarşısında olmalıdırlar. İmtahan saat 09:00-da başlayacaq.
Qeyd edilib ki, TOEFL iBT imtahanında iştirak edən 15 və daha aşağı yaş qrupuna aid uşaqlar imtahan binasına valideynləri ilə birlikdə gəlməlidirlər.
TOEFL iBT imtahanı ilə bağlı ətraflı məlumatı DİM-in rəsmi internet səhifəsindən əldə etmək mümkündür.
Bölmənin digər xəbərləri
