NOVRUZ BAYRAMINA HƏSR OLUNMUŞ NƏRD TURNİRİ BAŞLANMIŞDIR
AZƏRTAC xəbər verir ki, martın 22-də “Təşəbbüs” Xeyriyyə İctimai Birliyi, Azərbaycan Respublikası Gənclər Təşkilatı Milli Şurası və “Aztelekom” İstehsalat Birliyinin təşkilatçılığı ilə Səbail rayon Təhsil şöbəsinin şahmat klubunda 17-28 yaşlı gənclər arasında Novruz bayramına həsr olunmuş nərd turniri start götürmüşdür. 64 nərd həvəskarının qatıldığı yarış 3 mərhələdə keçiriləcəkdir.
İlkin mərhələ, Bakı və Sumqayıt şəhərlərini əhatə etməklə, martın 25-də başa çatacaqdır. Bölgələr üzrə keçiriləcək ikinci mərhələdə ən yaxşı nərd ustaları, sonuncu mərhələdə - respublika turnirində iştirak etmək hüququ qazanacaqlar.
Bölmənin digər xəbərləri
