NOVXANI SUMQAYIT ÇİMƏRLİYİNDƏ TƏMİZLİK AKSİYASI KEÇİRİLMİŞDİR
Bakı, 14 avqust (AZƏRTAC). Xəzər dənizinin ətraf mühitinin mühafizəsi günü ilə əlaqədar Ekologiya və Təbii Sərvətlər Nazirliyi (ETSN) tərəfindən Novxanı çimərliyində təmizlik aksiyası keçirilmişdir. Aksiyaya ETSN, QHT-lər, həmçinin Xəzəryanı dövlətlərdən qonaqlar da qatılmışlar.
“Xəzər günü”nün qeyd edilməsində məqsəd Xəzər dənizinin ətraf mühitinin çirklənmədən qorunması, dənizin bioloji ehtiyatlarının mühafizəsi, bərpası, davamlı və səmərəli istifadə edilməsi, həmçinin bu istiqamətdə əhalinin maarifləndirilməsindən ibarətdir.
Qeyd edək ki, Xəzər dənizinin ətraf mühitinin mühafizəsi haqqında çərçivə konvensiyası” BMT-nin Ətraf Mühit proqramının dəstəyi ilə Xəzəryanı dövlətlərin mütəxəssisləri tərəfindən hazırlanmışdır. Konvensiya Xəzər dənizinin sahilində yerləşən 5 dövlət arasında Xəzər dənizi regionunda təbiəti mühafizə şərtlərini və müvafiq təşkilati mexanizmi əks etdirən ilk hüquqi sazişdir.
Bölmənin digər xəbərləri
