NÜVƏ VƏ RADİASİYA FİZİKASINA DAİR BEYNƏLXALQ KONFRANS

04.10.2005 [17:21]
Çap et
A⁺ A^-

AZƏRTAC-ın xüsusi müxbiri xəbər verir ki, Qazaxıstan Energetika və Mineral Ehtiyatlar Nazirliyi ölkənin Atom Energetikası Komitəsi ilə birgə Almatıda “Nüvə və radiasiya fizikası” adlı beşinci Beynəlxalq konfrans keçirmişdir. Tədbirdə dünyanın 23 ölkəsindən gəlmiş 300-dək alim iştirak etmişdir. Azərbaycanı AMEA Radiasiya Problemləri İnstitutunun laboratoriya müdiri, fizika-riyaziyyat elmləri doktoru Şirin Abbasov təmsil etmişdir.

Tədbirdə nüvə tədqiqatları, nüvə sınaqlarının ətraf mühitə təsiri, AES-də əmələ gələn nüvə tullantılarının canlı orqanizmə, həmçinin ətraf mühitə təsiri və bunun qismən aradan qaldırılması yolları, digər mövzularda məruzələr dinlənilmişdir.

Şirin Abbasovun “Yüksək enerjili şüaların təsiri altında işləyə bilən cihazların hazırlanması” mövzusundakı məruzəsi maraqla qarşılanmışdır.

Konfrans çərçivəsində NATO və Beynəlxalq Atom Enerjisi Agentliyinin sponsorluğu ilə işlənmiş nüvə yanacağının təhlükəsiz saxlanması problemi ilə əlaqədar xüsusi müşavirə də keçirilmişdir.

NÜVƏ VƏ RADİASİYA FİZİKASINA DAİR BEYNƏLXALQ KONFRANS

MÜƏLLİFLƏ ƏLAQƏ

Bölmənin digər xəbərləri