ODESSA LİMANI AKVATORİYASINA MİLYON DOLLARDAN ARTIQ ZİYAN DƏYMİŞDİR
Odessa. Mütəxəssislər ötən çərşənbə günü Suriya bayrağı altında üzən “Sexam” əcnəbi gəmisindən neft məhsullarının axması nəticəsində Odessa dəniz ticarət limanı akvatoriyasına 1.017.268 ABŞ dolları məbləğində ziyan dəydiyini bildirmişlər. Bu barədə Ukrinformun müxbirinə Qara dəniz dövlət mühafizə müfəttişliyi rəisinin birinci müavini Vladimir Savusin xəbər vermişdir.
Onun dediyinə görə, çirklənmənin nəticələrinin aradan qaldırılmasında iştirak edən üç gəmi suyun səthindən 3092 kiloqram təmiz neft məhsulu yığmışdır. Bu hadisə barədə materiallar məhkəməyə verilmək və dəymiş ziyanın gəmi sahibindən ödənilməsini tələb etmək üçün Odessa vilayəti rayonlararası təbiəti mühafizə prokurorluğu ilə razılaşdırılmışdır.
Bölmənin digər xəbərləri
