Oktyabrda Avrozonada inflyasiya 2,9 faiz olub
Bakı, 1 noyabr, AZƏRTAC
Avropa bölgəsində sentyabr ayında 4,3 faiz olan illik inflyasiya oktyabrda 2,9 faiz olaraq müəyyən edilib.
AZƏRTAC xəbər verir ki, Avropa Statistika İdarəsi (Eurostat) Avrozonada oktyabr ayı üzrə inflyasiya məlumatlarını dərc edib.
Məlumata görə, bazar gözləntiləri Avrozonada illik inflyasiyanın oktyabr ayında 3,1 faiz olmalı idi. İllik inflyasiya məlumatlarının özünün doğrultmadığı diqqət çəkib.
İnflyasiyanın əsas komponentlərinə nəzər saldıqda, ən yüksək illik inflyasiya 7,5 faizlə qida, spirt və tütün məmulatlarında, 4,6 faizlə xidmətlər sahəsində, 3,5 faizlə qeyri-enerji sənaye məhsullarında olub. Enerji məhsulları isə 11,1 faiz azalıb.
Oktyabr ayında inflyasiya Slovakiyada 7,8 faiz, Xorvatiyada 6,7 faiz, Sloveniyada 6,6 faiz, Estoniyada 5 faiz, Avstriyada 4,9 faiz, Fransada 4,5 faiz, İspaniyada 3,5 faiz, Almaniyada 3 faiz, İtaliyada 1,9 faiz, Niderlandda 1 faiz, Belçikada isə 1,7 faiz olaraq müəyyən edilib.
Bölmənin digər xəbərləri
