Olimpiada iştirakçıları biologiya üzrə seçim imtahanında biliklərini sınayacaqlar
Bakı, 30 sentyabr, AZƏRTAC
Oktyabrın 4-də Təhsil Texnologiyaları Mərkəzində biologiya fənni üzrə seçim imtahanı keçiriləcək.
Təhsil İnstitutundan AZƏRTAC-a bildirilib ki, seçim imtahanında ötən tədris ilində biologiya fənni üzrə respublika fənn olimpiadalarının final mərhələsində iştirak etmiş şagirdlər iştirak edə biləcəklər.
İmtahan saat 10:00-da başlayacaq və 3 saat davam edəcək. İştirakçıların imtahan mərkəzində ən azı 30 dəqiqə əvvəl olmaları tələb olunur.
Şagirdlər imtahana şəxsiyyət vəsiqəsi və kalkulyatorla gəlməlidirlər.
İmtahanın nəticələrinə əsasən biologiya fənni üzrə növbəti hazırlıq və seçim mərhələlərinə cəlb olunacaq şagirdlər müəyyənləşdiriləcək.
Bölmənin digər xəbərləri
