ÖLKƏNİN 11 ŞƏHƏR VƏ RAYONUNDA ƏMƏK YARMARKALARI KEÇİRİLƏCƏKDİR
Nazirliyin Baş Məşğulluq İdarəsindən AZƏRTAC-ın müxbirinə bildirmişlər ki, növbəti əmək yarmarkaları sentyabr ayı ərzində ölkənin 11 şəhər və rayonunda keçiriləcəkdir.
Qeyd edək ki, ilin əvvəlindən bu günədək ölkənin 43 şəhər və rayonunda, eləcə də Naxçıvan MR-da keçirilmiş əmək yarmarkalarında 1127 müəssisə və təşkilat iştirak etmişdir. Nəticədə 3 min 33 nəfər münasib işlə təmin olunmuş, 325 nəfər peşə hazırlığı kurslarına göndərilmiş, 315 nəfər isə haqqı ödənilən ictimai işlərə cəlb olunmuşdur.
