OMBUDSMAN STRASBURQA DƏVƏT OLUNMUŞDUR
AZƏRTAC xəbər verir ki, Azərbaycan Respublikasının insan hüquqları üzrə müvəkkili (ombudsman) Elmira Süleymanova Avropa Şurası tərəfindən Strasburqa dəvət olunmuşdur.
Bir həftəlik səfər çərçivəsində müvəkkilin AŞPA Monitorinq Komitəsi Katibliyində, Milli Azlıqların Müdafiəsi üzrə Çərçivə Konvensiyası üzrə Katiblikdə, İşgəncələrə qarşı Avropa Komitəsində görüşləri, həmçinin İnsan Hüquqları üzrə Avropa Məhkəməsinin iclasında iştirakı nəzərdə tutulmuşdur.
Tanışlıq və qarşılıqlı əməkdaşlığın perspektivlərini müəyyənləşdirmək məqsədi daşıyan səfər zamanı Azərbaycan ombudsmanının Avropa Şurasının baş katibi Terri Devislə görüşü də gözlənilir.
Bölmənin digər xəbərləri
