OMBUDSMAN TƏSİSATININ NÜMAYƏNDƏSİ SEUL KONFRANSINDA İŞTİRAK ETMİŞDİR
Ombudsman Aparatından AZƏRTAC-a bildirmişlər ki, tədbiri Koreya Respublikasının insan hüquqları üzrə milli komissiyası, insan hüquqlarının müdafiəsi və inkişaf etdirilməsi üzrə milli təsisatların beynəlxalq əlaqələndirmə komitəsi və BMT-nin İnsan Hüquqları üzrə Ali Komissarlığı təşkil etmişdir. Konfransda dünyanın dörd qitəsindən insan hüquq və azadlıqlarının müdafiəsi ilə məşğul olan milli təsisatların 200-dən artıq nümayəndəsi təmsil olunmuşdur.
Azərbaycan Respublikasının İnsan Hüquqları üzrə Müvəkkili Aparatının bölmə müdiri Aydın Səfixanlı ölkəmizdə insan hüquqlarının qorunması və terrorizmlə mübarizə sahəsində həyata keçirilən tədbirlər barədə məlumat vermişdir.
Konfransda “Münaqişə və terrorizmlə mübarizə zamanı insan hüquqlarının qorunması məsələləri” və bu istiqamətdə həyata keçiriləcək tədbirlər barədə fikir mübadiləsi aparılmışdır.
Bölmənin digər xəbərləri
