Ombudsmanın Çağrı Mərkəzi bayram günlərində də fəaliyyətini fasiləsiz davam etdirib
Bakı, 6 yanvar, AZƏRTAC
Azərbaycan Respublikasının İnsan hüquqları üzrə müvəkkilinin (ombudsmanın) “916” Çağrı Mərkəzi bayram günlərində də fəaliyyətini fasiləsiz davam etdirib.
Bu barədə AZƏRTAC-a Ombudsman Aparatından məlumat verilib.
Bildirilib ki, müraciətlər 2024-cü il dekabrın 29-dan 2025-ci il yanvarın 5-dək Çağrı Mərkəzi vasitəsilə qəbul edilib. Daxil olmuş müraciətlər əsasən Ombudsmanın Milli Preventiv Mexanizm mandatına aid məsələlər, o cümlədən qanunsuz saxlama, şəxsin öz iradəsi ilə tərk edə bilmədiyi müəssisələrdə müayinə və müalicəsinin təşkili, saxlanılan şəxslə görüşün təşkili, saxlanılan şəxs barəsində yaxınlarına məlumat verilməməsi ilə bağlı olub. Həmin məsələlər dərhal müvafiq qurumlar qarşısında qaldırılmaqla araşdırılıb və vətəndaşların müraciətləri təmin edilib.
Bölmənin digər xəbərləri
