Ombudsmanın nümayəndələri ötən il 2 mindən çox şəxslə konfidensial görüş keçiriblər
Bakı, 3 mart, AZƏRTAC
Başçəkmələr zamanı 2 min 25 şəxslə konfidensial görüş keçirilib. Onlardan 36- sı Beynəlxalq Qırmızı Xaç Komitəsi tərəfindən ombudsmana görüş xahişi ilə bağlı ünvanlanan məktubda adları qeyd edilən şəxslər olub. Həmin şəxslərin hüquqlarının təmini vəziyyəti öyrənilib, müraciətləri dinlənilib, bir çox məsələlər yerində həll edilib, digər hallarla bağlı aidiyyəti dövlət qurumlarına müraciətlər olunub.
AZƏRTAC xəbər verir ki, bu sözləri Milli Məclisinin İnsan hüquqları komitəsinin iclasında ombudsmanın illik məruzəsinin müzakirəsi zamanı Ombudsman Aparatının rəhbəri Aydın Səfixanlı deyib.
Qeyd edilib ki, ombudsman və onun tapşırığına əsasən, Milli Preventiv Qrupun üzvləri tərəfindən şəxslərin öz iradəsi ilə tərk edə bilmədiyi yerlərə, o cümlədən şəhər və rayon polis idarə və şöbələrinin müvəqqəti saxlama yerlərinə, polis bölmələrinin saxlama yerlərinə, inzibati həbs olunanların saxlama mərkəzinə, istintaq təcridxanalarına, qanunsuz miqrantların saxlanması mərkəzlərinə müntəzəm keçirilmiş başçəkmələr zamanı azadlıq hüququnun məhdudlaşdırılması ilə bağlı məsələlər araşdırılıb.
Bölmənin digər xəbərləri
