“OQTAY AĞAYEV” SƏNƏDLİ FİLMİ ÇƏKİLİR
Filmin quruluşçu rejissoru Mikayıl Əjdəroğlu AZƏRTAC-ın müxbirinə bildirmişdir ki, görkəmli sənətkarın 70 illik yubileyi münasibətilə çəkilən yeni ekran əsərinin ssenari müəllifi Rübabə Səməndər, operatoru Nəriman Şıxəliyevdir.
Filmdə xalq artisti Oqtay Ağayevin ömür yolundan, onun istedadlı, yorulmaz, fədakar estrada müğənnisi kimi musiqi mədəniyyətimizin inkişafındakı böyük xidmətlərindən, yaradıcılıq axtarışlarından, xalq arasında ona böyük rəğbət və məhəbbət qazandırmış ifaçılığından söhbət açılacaqdır. Eyni zamanda filmə onun sənət yoldaşlarının, görkəmli incəsənət xadimlərinin ürək sözləri və müğənninin ifasında lentə alınmış estrada mahnılarından parçalar da daxil ediləcəkdir.
“Oqtay Ağayev” sənədli filmi ilk dəfə aprel ayında dövlət televiziyası ilə göstəriləcəkdir.
Bölmənin digər xəbərləri
