ORTA İXTİSAS MƏKTƏBLƏRİNƏ QƏBULUN İKİNCİ MƏRHƏLƏSİNDƏ 9033 ABİTURİYENT İMTAHAN VERƏCƏKDİR

11.09.2004 [19:17]
Çap et
A⁺ A^-

Tələbə Qəbulu üzrə Dövlət Komissiyasından AZƏRTAC-a bildirmişlər ki, 2004/2005-ci dərs ili üçün orta təhsil bazasından (11 sinif) orta ixtisas məktəblərinə tələbə qəbulunun II mərhələsinin imtahanları sentyabrın 12-də Bakı, Sumqayıt, Naxçıvan, Gəncə, Lənkəran, Mingəçevir, Şəki və Ağdaş şəhərlərində keçiriləcəkdir. İmtahanlar üçün 20 bina ayrılmışdır. Onlardan 9-u Bakıda, 11-i isə digər bölgələrdədir. İmtahanlara rəhbərlik etmək üçün 57 mütəxəssis, orta məktəblərin 610 nəfər müəllimi isə nəzarətçi kimi cəlb olunmuşdur.

Orta ixtisas təhsili məktəblərinə qəbulun II mərhələsində 9063 ərizə verilmişdir (dövlət planı 5390 yer). Bunlardan 8635-i Azərbaycan bölməsinə, 428-i rus bölməsinə aiddir. İxtisas qrupları üzrə ərizələrin təsnifatı belədir: 1-ci ixtisas qrupu – 4165 (plan yeri - 2769), 2-ci ixtisas qrupu - 4452 (plan yeri - 2284), 3-cü ixtisas qrupu - 446 (plan yeri - 337).

Bakıda 4780 nəfər, Naxçıvanda 250 nəfər, digər bölgələrdə isə 4033 nəfər abituriyent orta ixtisas məktəblərinə qəbul imtahanlarında iştirak edəcəkdir. Ayrılmış 1 saat 30 dəqiqə ərzində abituriyentlər 2 fənn üzrə cəmi 40 suala cavab verməlidirlər. Bütün bölgələrdə imtahanlar saat 12.00-da başlanır.

ORTA İXTİSAS MƏKTƏBLƏRİNƏ QƏBULUN İKİNCİ MƏRHƏLƏSİNDƏ 9033 ABİTURİYENT İMTAHAN VERƏCƏKDİR

MÜƏLLİFLƏ ƏLAQƏ

Bölmənin digər xəbərləri