ORTA MƏKTƏBLƏR DƏRS İLİNƏ HAZIRDIR
AZƏRTAC xəbər verir ki, tədbirdə 2004-2005-ci tədris ilinə hazırlıq və qarşıda duran əsas məsələlər müzakirə olunmuş, nailiyyətlər barədə məlumat verilmişdir. İcra hakimiyyətinin, təhsil şöbəsinin, pedaqoji kollektivlərin nümayəndələrinin iştirak etdiyi iclasda çıxış edən icra hakimiyyətinin başçısı Tofiq İbrahimov Prezident İlham Əliyevin “Azərbaycan Respublikasında “Bilik günü”nün təsis edilməsi və təhsil müəssisələrində iş rejiminin tənzimlənməsi haqqında” 2004-cü il 21 avqust tarixli Fərmanından irəli gələn vəzifələrdən danışmışdır.
Bildirilmişdir ki, bu il 21 min 644 şagirdin təlim-tərbiyəsi ilə 2 min 500 müəllim məşğul olacaq. Rayonun 67 orta, 12 əsas, 5 ibtidai məktəbi yeni dərs ilinə tam hazırdır. Əksər məktəblərdə RİH-nin, kənd bələdiyyələrinin köməyi və təhsil müəssisələrinin daxili imkanları hesabına təmir aparılmış, ehtiyacı olan məktəblər avadanlıqla təchiz olunmuşdur. Qışa hazırlıq görülməsi məsələsi də müzakirə olunmuşdur.
Bölmənin digər xəbərləri
