Ötən ay Azərbaycanın xarici ölkələrlə ticarət dövriyyəsi 5 milyard dolları ötüb
Bakı, 17 fevral, AZƏRTAC
Cari ilin yanvar ayında Azərbaycan xarici ölkələrlə 5 milyard 90,8 milyon dollar dəyərində ticarət əməliyyatı aparıb.
Dövlət Gömrük Komitəsindən (DGK) AZƏRTAC-a bildirilib ki, bu, ötən ilin eyni dövrünə nisbətən 70,5 faiz çoxdur.
Xarici ticarət dövriyyəsinin 3 milyard 38 milyon dolları ixracın, 2 milyard 52 milyon dolları isə idxalın payına düşüb. Son 1 ildə ixrac 64,8 faiz artıb, idxal isə 79,7 faiz artıb.
Nəticədə xarici ticarətdə 986,07 milyon dollarlıq müsbət saldo yaranıb. Bu da illik müqayisədə 40,5 faiz çoxdur.
Bölmənin digər xəbərləri
