Ötən il 62 depozit, 46 not hərracı keçirilib
Bakı, 18 fevral, AZƏRTAC
2020-ci ildə Mərkəzi Bank milli valyutada sərbəst vəsaitlərin cəlb olunması üzrə 62 depozit hərracı keçirib.
AZƏRTAC xəbər verir ki, bu barədə bankın "Pul siyasəti icmalı"nda deyilir. Bildirilir ki, 2020-ci ilin sonuna depozit əməliyyatları ilə cəlb edilmiş vəsaitlərin qalığı 300 milyon manat təşkil edib. Depozit əməliyyatları ilə yanaşı, Mərkəzi Bank 2020-ci ildə 46 not hərracı keçirib. Bu hərracların 7-də uzunmüddətli (84 günlük, 168 günlük, 252 günlük) notlar, digər 39-da isə 28 günlük notlar yerləşdirilib. Ümumilikdə, ilin sonuna notlar vasitəsilə sterilizasiya olunmuş vəsaitin toplam qalığı 650 milyon manat təşkil edib.
Bölmənin digər xəbərləri
