“PAŞA Bank Gürcüstan”ın məcmu aktivləri azalıb
Bakı, 16 oktyabr, AZƏRTAC
Cari ilin birinci yarısında “PAŞA Bank Gürcüstan”ın məcmu aktivləri 387,910 min manat təşkil edib ki, bu da ötən ilin sonu ilə müqayisədə 9,9 faiz azalma deməkdir.
AZƏRTAC xəbər verir ki, bu barədə “PAŞA Bank”ın baş maliyyə inzibatçısı Murad Süleymanov bankın 2025-ci ilin ilk altı ayının nəticələrinə həsr olunmuş mətbuat konfransında deyib.
O bildirib ki, müştərilərə verilən kreditlərin həcmi 214 milyon 585 min manat səviyyəsində olub və əvvəlki dövrlə müqayisədə 0,2 faiz artıb.
“Müştərilər qarşısında öhdəliklər 5 faiz azalaraq 228 min 129 min manat olub. Məcmu kapital isə 5,9 faiz artaraq 77 milyon 788 min manata çatıb. Hesabat dövrü üzrə xalis gəlir 2 milyon 446 min manat olub ki, bu da illik müqayisədə 45,9 faiz artım deməkdir. Bankın ümumi gəliri də eyni faiz nisbətində yüksəlib”, - deyə Murad Süleymanov əlavə edib.
Bölmənin digər xəbərləri
