Paytaxtın yeni yaradılan rayonunda ağacəkmə aksiyası keçirilmişdir
Bakı, 5 oktyabr (AZƏRTAC). Respublikamızda hər bir sahədə, o cümlədən ekoloji vəziyyətin yaxşılaşdırılması, ekoloji tarazlığın bərpası istiqamətində mühüm tədbirlər həyata keçirilir. Paytaxtın yeni yaradılan Pirallahı qəsəbəsində də bu sahədə məqsədyönlü işlər həyata keçirilir.
Rayon icra hakimiyyətindən AZƏRTAC-a bildirmişlər ki, bu məqsədlə Pirallahı qəsəbəsində ağacəkmə kampaniyasına başlanmışdır. Rayon ərazisində ekoloji mühitin daha da yaxşılaşdırılması və yeni yaşıllıqların salınması üçün qəsəbədə, əsas magistral yolunun kənarında, 29-cu məhəllədə və digər ərazilərdə ağaclar əkilmişdir.
Aksiya zamanı 300 ədəd sərv tingləri basdırılmışdır. Ağacəkmə kampaniyasının aqrotexniki qaydalara uyğun keçirilməsi üçün əraziyə maşın və texnika cəlb olunmuşdur. Əkilən ağacların mühafizəsi və mütəmadi olaraq qulluq göstərilməsi məqsədi ilə zəruri tədbirlərin görülməsi nəzərdə tutulmuşdur.
Rayon ərazisində yaşıllaşdırma aksiyası gələcəkdə də davam etdiriləcəkdir.
Bölmənin digər xəbərləri
