Polis əməkdaşları tərəfindən ötən gün aşkarlanan silah-sursatların sayı açıqlanıb
Bakı, 12 yanvar, AZƏRTAC
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirirlər.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib.
Qeyd olunub ki, yanvarın 11-də polis əməkdaşları paytaxt və respublikanın ayrı-ayrı rayonlarında 2 avtomat silahı, 2 tapançanı, 8 müxtəlif markalı tüfəngi, 3 patron darağı və 63 müxtəlif çaplı patronu təhvil götürüblər.
Eyni gün polis əməkdaşlarının keçirdikləri digər əməliyyat tədbirləri ilə qanunsuz saxlanılan 1 pulemyot, 4 avtomat silahı, 1 tapança, 21 müxtəlif markalı tüfəng, 5 patron darağı və 81 müxtəlif çaplı patron aşkarlanaraq götürülüb.
Bölmənin digər xəbərləri
