Polis İsmayıllıda vətəndaşlarla maarifləndirici söhbətlər aparıb
Bakı, 14 may, AZƏRTAC
İsmayıllı Rayon Polis Şöbəsinin əməkdaşları koronavirus pandemiyasının yayılmasının qarşısının alınması istiqamətində tədbirləri davam etdirirlər.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, polis əməkdaşları hərəkətin intensiv olduğu, insanların daha çox toplaşdığı ərazilərdə vətəndaşlarla maarifləndirici söhbətlər aparıb, sanitar rejimin tələblərini izah ediblər. Belə ki, insanlarla təmas zamanı 2 metrlik məsafənin qorunması və tibbi maskalardan istifadənin zəruri olduğu onların diqqətinə çatdırılıb. Həmçinin rayon Polis Şöbəsinin əməkdaşları maskadan istifadə etməyən vətəndaşlara tibbi maskalar paylayıblar.
Bölmənin digər xəbərləri
