Praqa Avropanı artan dini dözümsüzlük barədə xəbərdar edir
Praqa, 28 noyabr, AZƏRTAC
Çexiya XİN-in başçısı Yan Lipavski Avropa ictimaiyyətini dünyada artan antisemitizm və islamofobiya barədə xəbərdar edib.
AZƏRTAC xəbər verir ki, nazir müvafiq bəyanatı Praqada Dini etiqad azadlığı uğrunda beynəlxalq alyansın (IRFBA) konfransının açılışında verib.
Lipavski deyib: “Dünyada antisemitizm hallarının sayı 500 faiz artıb. Biz bütövlükdə islamofobiya və dini dözümsüzlüyün əhəmiyyətli şəkildə artmasını da müşahidə edirik”.
Çexiya diplomatiyasının başçısı bildirib ki, dini etiqad azadlığı Ukraynada ciddi təhlükə ilə qarşı-qarşıyadır. Onun sözlərinə görə, Ukraynada müharibə bir çoxunun dini etiqad azadlığına olan hüquqlarına öz dağıdıcı təsirini göstərib.
Dövlət nümayəndə heyətlərinin, xüsusi müvəkkil təmsilçilərin, ekspert və digər tanınmış xadimlərin Praqa görüşündə əsasən dindən siyasi məqsədlər üçün sui-istifadə və rəqəmsal təqib dövründə dini həyat məsələləri müzakirə olunub.
Vüqar Seyidov
AZƏRTAC-ın xüsusi müxbiri
Praqa
Bölmənin digər xəbərləri
