Prezident seçkiləri ilə bağlı seçkiqabağı təşviqatın aparılmasına yanvarın 15-də start veriləcək
Bakı, 13 yanvar, AZƏRTAC
Yanvarın 13-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilir.
AZƏRTAC xəbər verir ki, iclası açan Mərkəzi Seçki Komissiyasının sədri Məzahir Pənahov gündəliyə 4 məsələnin daxil edildiyini bildirib.
Həmin məsələlər aşağıdakılardır:
1. Mərkəzi Seçki Komissiyasının 2024-cü il 9 yanvar tarixli iclas protokolunun təsdiq edilməsi.
2. 2024-cü il fevralın 7-nə təyin edilmiş növbədənkənar Azərbaycan Respublikası Prezidenti seçkilərində ödənişsiz efir vaxtının bölgüsü məqsədilə püşkatma komissiyasının yaradılması, püşkatmanın yeri və vaxtının müəyyən olunması.
3. Bəzi dairə seçki komissiyalarının tərkibində dəyişiklik edilməsi.
4. Cari məsələlər.
Azərbaycanda prezidentliyə qeydə alınmış namizədlərin siyahısı 2024-cü il 18 yanvar tarixinədək dərc olunacaq.
Seçkiqabağı təşviqatın aparılmasına yanvarın 15-də start veriləcək və proses fevralın 6-sı saat səhər 8-də dayandırılacaq.
Bölmənin digər xəbərləri
